fbpx
(adsbygoogle = window.adsbygoogle || []).push({});

【香港共享單車實測比較】 租單車邊間最抵玩??| 整合香港共享單車APP終極比較

主題推介 共享單車

小編近期發現多左人瀏覽Mudapps之前撰寫,有關於租單車APP-GoBee.Bike嘅介紹文章。翻查後發現同近期多左共享單車服務經營商有關。
有得揀就自然有比較,網上多左人了解各個租單車App嘅好與壞。
襯呢次機會,深入了解同比較香港每個共享單車APP,為大家介紹下每個共享單車APP嘅優勝劣敗~~

香港共享單車APP現有營運商及登記服務簡介

圖片取自Youso.HK

2017年嘅時候,香港都仲係得一間GoBee.Bike提供共享單車租用服務。當時嘅香港人都未係好接受倒共享單車概念,傳媒亦多報導共享單車服務嘅種種不是。
估唔倒過左一年多嘅時間,香港人都開始慢慢習慣左呢種服務,但係就有相應嘅公司撐唔住結業,究竟香港過多排仲會唔會有得用共享單車呢?
現時香港有以下共享單車APP營運商︰

透過APP租用共享單車嘅步驟萬變不離其中,每個共享單車APP登記都有以下步驟:

  1. 用戶首先需要下載共享單車APP
  2. 成為用戶後為帳戶增值(部份需要按金)
  3. 充值後尋找最近自己嘅單車,掃瞄共享單車上嘅QR碼即可使用服務!!

各個香港共享單車APP大挑機 | 價錢、性能、服務終極比較!!

共享單車服務按

小編喺2017年撰寫有關GoBee.Bike嘅文章時,租借GoBee.Bike嘅共享單車需要先收取HKD399 按金。
相信按金嘅多寡對於用家評價共享單車平台算係較為重要嘅因素,以下就為大家比較下每間共享單車服務商嘅按金:

共享單車-gobeebike-hk-app共享單車按金比較_V2

共享單車按金比較

對於共享單車按金比較,Ketch’Up Bike 無需用戶提供按金便可即刻使用共享單車服務;
至於oBike,基本按金同LocoBike同Ofo一樣都係收取HKD99。
不過,只要用戶成為VIP亦可以零按金享用服務,但用戶需要儲值一定限額先可以成為VIP(HKD349)!!

共享單車服務收費比較

除左按金之外,服務收費當然都係好好好好重要嘅一環啦!!以下就為大家比較下每間共享單車服務商嘅收費,價格比較會以時節較短視為較佳(彈性高啲嘛)!!

共享單車-gobeebike-hk-app共享單車收費比較_V2

共享單車收費比較

對於共享單車正常收費比較,Ofo同LocoBike同樣出色,收費係HKD3/每30分鐘;
另外,大家亦可留意倒其他服務商嘅收費大部份係HKD5/每30分鐘,比最低收費足足高33%,長期用嘅朋友值得留意留意!!

除此之外,值得一提嘅係HobaBike及Ofo嘅收費優惠都比較出色;
HobaBike提供首10分鐘免費使用共享單車,而呢個並唔係迎新優惠。換言之,用家使用共享單車作短程用途,HobaBike係不二之選!!
據網友爆料提供,Ofo經常喺街派免費使用單車劵,喺街見倒Ofo團隊不防拿返張優惠劵傍下身!!

共享單車最少充值額比較

對於一次性用家或者什少用共享單車嘅朋友仔嚟講,充值額多少亦都係揀選服務商嘅重要因素!!!

共享單車-gobeebike-hk-app共享單車最低充值額_V2

共享單車最低充值額比較

對於小編嚟講,充值額嘅分析好簡單!!由於踩單車活動一般只會介乎2—3小時,因此充值額大約等於2—3小時嘅收費就Fit倒漏!!
經計算之後,Ofo/OBike/HobaBike都符合小編所定嘅要求,值得推介~~

共享單車性能及服務質素比較

對於生活有要求嘅你,價錢未必係首要因素!!!重體驗安全及服務質素嘅你,一定要知以下共享單車性能及服務質素比較:

共享單車-gobeebike-hk-app共享單車性能及質素_V2

共享單車性能及質素

小編比較少踩共享單車,但係透過網上討論區提供嘅意見,以及參考HongKongCyclingAlliance嘅詳盡實際試用報告,簡單咁歸納出以上共享單車質素比較~
得出嘅結論係HobaBike大獲好評,喺單車性能同車款方面都無得輸!!!!

共享單車數量及地區

單車嘅數量非常非常重要,對於常客嚟講係不可或缺嘅因素。原因好簡單,無足夠嘅單車我點用呀???

共享單車-gobeebike-hk-app共享單車數量_V2

共享單車數量

呢個表係由小編逐個逐個共享單車APP喺個地圖倒掃,嘔心瀝血之作!!!
顯而易見,Ofo 嘅數量同出現地區都係同類型服務商入面最好嘅~~(大財團係唔同啲),其他供應商都係集中某幾個新界地區!!!
**比較有趣嘅係2018年頭呢個時間,HobaBike嘅單車數量喺港島區係最多的~~

總結:

觀乎以上各個共享單車營運商,驟眼睇都算各有各好,但亦睇得出HobaBike、Ofo以及oBike較為出眾!!!
小編就覺得配合不同用家要求或情況,揀一間適合自己就可以喇~~

假日享受單車樂嘅一次性用家:Ofo

共享單車-gobeebike-hk-app-ofo

如果你係偶而約三五知己踩單車嘅用戶,Ofo可以話係心水之選!!!Ofo長時間提供新用戶免費租車劵,另外充值額同正常收費都屬於最低,非常吸引!!雖然Ketch’Up同oBike按金都較低,但Ketch’Up嘅單車數目太少;而oBike本身亦需要入HKD349成為VIP先可以免按金。因此小編會揀Ofo比一次性用家。

慳得一蚊得一蚊嘅長期用家:oBike
共享單車-gobeebike-hk-app-obike
如果你係打算長期使用共享單車嘅慳家族,oBike就岩哂你!!成為VIP之後平均HKD2.1/每30分鐘,屬於最平嘅一間!!!


新界住得較遠地鐵站或車站嘅用家:HobaBike
共享單車-gobeebike-hk-app-hobabike
如果你住喺新界而屋企又離地鐵站大概10分鐘路程,小編極力推介HobaBike!!!無他嘅,唔係錢又有靚單車踩,可樂而不為!!!


對有生活態度有要求嘅用家:HobaBike
共享單車-gobeebike-hk-app-hobabike
如果你對生活有要求,重視體驗嘅話,擁有最好共享單車性能嘅HobaBike絕對會係你首選 !!!留意返,HobaBike仲有小童單車,岩哂享受家庭樂嘅朋友!!!

經過比較香港共享單車APP比較大戰之前,小編會於稍後逐步向大家更新各間共享單車APP營運商嘅優惠!!
如果大家有料爆,都歡迎聯絡我地嫁~~

GoBee.Bike (螢光綠蜜蜂先行者)優惠
Locobike (天空藍sell貼地)優惠
HobaBike (綠色sell質素) 優惠
Ofo (黃色內地龍頭小黃車) 優惠
oBike (橙黃色新加玻公司) 優惠
Ketch’Up Bike (紅黑蕃茄仔)優惠

 

3 Comments

  1. 多謝小編詳盡的介紹,鼓掌👏🏻👏🏻👏🏻

    p.s.是揀,不是簡
    揀選
    簡單

    Reply
    • 感謝您的回覆,內容對讀者有用一直都係小編寫文章嘅其中一個原動力!!

      Reply
  2. ofo已偷偷地加價加到8蚊2.66倍

    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Bitnami